Toponimia do Val de Fragoso 2. Lavadores

Segundo dos volumes editado pola Área de Normalización Lingüística da Universidade de Vigo en colaboración co Concello de Vigo sobre a toponimia das súas parroquias, neste caso a de Lavadores. O seu territorio participa dunha contorna rural e mais da urbana, con todas as gradacións intermedias posibles, que van dende zonas absolutamente rurais como Sabaxáns a outras plenamente urbanas como O Calvario. Esta riqueza de paisaxes ten reflexo na situación da súa toponimia, na vitalidade dos microtopónimos, que mingua a medida que aumenta a urbanización e o tempo que un lugar leva urbanizado.