Sabías que o topónimo O Ingüeiro, que dá nome á corrente de auga que rompe puntualmente a lagoa de Louro, pode ser unha variante da voz "angüeiro", ‘pequena canle que polo medio de xuncais leva augas correntes ao mar’?
Sabías que o artigo dos topónimos contrae sempre coas preposicións EN, DE, POR e CON, de maneira que debemos escribir «vai na Coruña», «son da Pobra», «ando pola Fonsagrada» e «Arteixo linda coa Laracha»?
