Toponimia de Begonte e Rábade

Toponimia de Begonte e Rábade
Ano
2018
Edición
Real Academia Galega
Autoría
Paulo Martínez Lema

Con esta colección, a Real Academia Galega e a Asociación Galega de Onomástica pretenden recompilar e estudar os nomes de lugar habitados e algúns dos principais accidentes xeográficos dos concellos de Galicia, dun xeito divulgativo e ameno para axudar a coñecérmonos algo máis como galegos. Saber cal é a motivación e o significado dos nomes dos sitios onde vivimos e de onde vimos, onde naceron os nosos devanceiros e que acollerán os nosos fillos, faranos máis conscientes da relación co noso pasado, de como se conformou a nosa sociedade, de como é a natureza en que habitamos, a súa fauna e as plantas. Significará identificármonos mellor como sociedade e como pobo.

Presentamos aquí o número 2 da colección, correspondente á Toponimia de Begonte e Rábade, realizada por Paulo Martínez Lema, doutor cunha tese sobre toponimia medieval e autor de numerosos artigos sobre distintos aspectos da toponimia en revistas académicas.