Toponimia do Val de Fragoso 7. Candeán

Sétimo dos volumes editados pola Área de Normalización Lingüística da Universidade de Vigo en colaboración co Concello de Vigo sobre a toponimia das súas parroquias, neste caso trátase da parroquia de Candeán.O seu autor, Afonso Salvador Rodríguez, recolleu entre os anos 2012 e 2013 un total de 1.715 topónimos en tan só 6,04 km² de superficie cos que conta o termo territorial desta parroquia.

Os topónimos presentes neste traballo están clasificados tematicamente en once apartados distintos por esta orde: os primeiros núcleos de poboamento; o relevo; os nomes da auga; a flora; a fauna; agricultura e gandaría; sociedade; posesores; historia; relixión e lendas.