Sabías que o concello de Antas de Ulla alberga o centro xeográfico de Galicia? No ano 2020, o Instituto Geográfico Nacional (IGN), a instancias do Instituto de Estudos Ulloáns, ditaminou que o punto central do noso país estaba situado nas proximidades da aldea de Nugallás na parroquia de San Fiz de Amarante. Precisamente, Antas de Ulla é o topónimo protagonista dunha nova entrega da serie de micropezas O Seminario de Onomástica responde.
Ninguén mellor para falarmos deste topónimo que a seoanesa Adrea Santiso Arias, licenciada en Filoloxía Galega, profesora no ensino secundario e, sobre todo, experta na toponimia do seu concello: o seu libro Toponimia de Antas de Ulla saíu do prelo recentemente e pode descargarse nesta mesma páxina.
Bertamiráns é un dos lugares favoritos da nenez do académico amesán Ramón Lorenzo, unha aldea preciosa…
Ata datas recentes dábase por certa a hipótese de que Zas era un topónimo de orixe xermánica a partir do étimo SALA ‘pazo ou…