Pantón, nome único en todo o Nomenclátor de Galicia, é o que os filólogos chaman un topónimo escuro, pois descoñecemos cal foi a súa verdadeira etimoloxía. Tampouco aclara moito sobre a súa orixe a lectura dos textos antigos debido a que, desde as súas primeiras atestacións no século XIII, aparece escrito coa forma actual. Agora ben, pode deitar certa luz sobre este topónimo comparalo con outros nomes que se rexistran no país e fóra del.
Ninguén mellor para falar sobre este nome de lugar que o académico correspondente e membro do Seminario de Onomástica da RAG, Antón Palacio; ademais de ser oriúndo deste concello, foi autor dunha tese de doutoramento pioneira na nosa onomástica que versa precisamente sobre os nomes de lugar de Pantón. El dános as chaves neste novo capítulo da serie O Seminario de Onomástica responde para achegarnos dun xeito científico á orixe do topónimo Pantón.
O Concello do Riós é un dos municipios galegos en que se modificará o seu nome oficial na nova edición do Nomenclátor…
Brandomil é talvez a freguesía con máis sona do concello coruñés de Zas. Eduardo Pondal bautizou co seu nome un dos…