O Seminario de Onomástica responde: Viana do Bolo

Buscar no mapa unha aldea, unha parroquia ou un concello denominado Robreda é unha tarefa infrutuosa, xa que o noso Nomenclátor non rexistra ningunha. Mais isto ten unha explicación, pois a antiga vila de Robreda actualmente ten outra denominación na que o monarca Afonso VIII e o Camiño de Santiago tiveron moito que ver.

Neste vídeo, Vicente Feijoo explícanos de onde vén etimoloxicamente o topónimo Viana do Bolo e o motivo polo que substituíu a Robreda nun novo capítulo da serie "O Seminario de Onomástica responde".