Sabías que podes ir a Babilonia sen saíres de Galicia e sen viaxares no tempo? Só tes que te desprazar a Oleiros ou ver este vídeo onde Martín Montero González nos conta a orixe curiosa do non menos curioso topónimo As Viñas de Babilonia. Grazas á iniciativa dos veciños deste concello coruñés, conseguiron conservar este e outros nomes nas rúas e urbanizacións despois de que o crecemento urbanístico da zona transformase por completo a paisaxe.
Neste capítulo da serie "Os nomes da nosa terra", Fran Cañotas tamén percorre os nomes das leiras de San Pedro de Nós da man de Antonio Sánchez Cacheiro, quen durante máis de cincuenta anos traballou en todas elas e foi apuntando as súas denominacións.
A serie "Os nomes da nosa terra" é un proxecto da Asociación Socio-Pedagóxica Galega (AS-PG), que está apoiado pola Xunta de Galicia ao abeiro do Fondo de Proxectos Culturais Xacobeo.
Entre os séculos XVI e XVIII, os padais máis exquisitos da Corte Real devecían por unha receita de ostras en escabeche. Esta preparación…
Atopar o significado orixinario dun topónimo é, ás veces, unha tarefa ben complicada, especialmente naqueles casos como o que hoxe…