Neste vídeo aparecen 5 enquisas de campo realizadas polos alumnos/as do IES Pintor Colmeiro de Silleda. Nelas demostran a facilidade que teñen para introducir os microtopónimos que lles achegan os seus familiares na plataforma colaborativa Galicia Nomeada a través de distintos dispositivos: teléfonos móbiles, tabletas ou ordenadores portátiles. Ademais, os informantes explican con moito acerto a motivación deses topónimos.
Isto é unha pequena mostra deste traballo colectivo, feito con familiares e veciños, no que se crea un vencello interxeracional e no que se aúnan tradición e tecnoloxía. É unha mostra do compromiso destes rapaces e rapazas coa súa terra, coa lingua e coa cultura. Seguide así, mozos e mozas, e grazas unha vez máis pola vosa contribución a este proxecto.
O IES de Meaño, un dos centros máis activos na plataforma Galicia Nomeada, presentou un interesante proxecto de posta…
