O adxectivo arcaico vedro, -a, procedente do adxectivo latino VETERUM, deixou de usarse na nosa lingua na Idade Media; pola contra, deixou moita pegada na nosa toponimia: o concello coruñés de Vedra é un bo exemplo.
A académica correspondente e membro do Seminario de Onomástica da RAG Luz Méndez explica neste novo vídeo da serie O Seminario de Onomástica responde a motivación que levou a empregar un adxectivo cualificativo para dar nome a este concello.
Tamén dá as chaves para comprendermos a etimoloxía do topónimo Oza do concello de Teo, porque é moi probable que teña unha orixe diferente a outros topónimos semellantes que existen no territorio galego.
Begoña Caamaño publicou, alén doutros textos, dúas obras narrativas: Circe ou o pracer do azul e Morgana…
Outro dos topónimos que marcaron a vida de Begoña Caamaño…