Os nomes da nosa terra. Santiago de Compostela

Santiago de Compostela é unha das cidades centrais do europeísmo. En cada unha das súas pedras milenarias hai un anaco da súa historia que nos remonta, en moitos casos, ao seu nacemento arredor da peregrinación á tumba do apóstolo Santiago. Os nomes das súas rúas, barrios ou prazas forman unha paisaxe lingüística e toponímica dunha riqueza incalculable á altura da propia cidade e agochan tesouros que están aí para os descubrir. Achégate a eles neste novo capítulo da serie documental "Os nomes da nosa terra".