Se hai un topónimo que destaca pola súa sonoridade ese é Xurenzás, que dá nome a unha parroquia do Concello de Boborás na provincia de Ourense. Talvez por este feito, a súa orixe está contada por diferentes lendas, unha delas recollida por Vicente Risco na súa Historia de Galiza. Segundo relata o polígrafo ourensán, un mouro chamado Zas namorou da filla doutro mouro que rexeitou o casamento e encantou a filla. Por iso, Zas, declaroulle a guerra e venceuno, facéndoo prisioneiro. Cando o vencido quixo restaurar a paz, Zas esixiulle un xuramento de obediencia e sometemento ao seu nome. E o vello tivo que aceptar, dicindo: "Xuro en Zas que estou vencido”.
Con todo, esta non é a única historia deste topónimo curioso entre os curioso, Xurenzás. Descubre outras neste vídeo.
Entre os séculos XVI e XVIII, os padais máis exquisitos da Corte Real devecían por unha receita de ostras en escabeche. Esta preparación…
Atopar o significado orixinario dun topónimo é, ás veces, unha tarefa ben complicada, especialmente naqueles casos como o que hoxe…