O Seminario de Onomástica da Real Academia Galega ditaminou mudar as denominacións dos concellos de Cerdedo-Cotobade, Mondariz-Balneario e Oza-Cesuras, vixentes ata a actualidade, ás formas sen guión, Cerdedo Cotobade, Mondariz Balneario e Oza Cesuras.
Esta decisión tomouse tendo en conta os criterios establecidos nas Normas ortográficas e morfolóxicas do idioma galego para o uso do guión (páx. 31-34): este só se empregará naquelas palabras cuxas asociacións son “ocasionais, non fixadas na lingua”, como por exemplo dicionario alemán-galego; estudo xurídico-económico...
Isto non acontece cos nomes oficiais. De feito, no Nomenclátor ata agora vixente figuraban outros topónimos que contiñan dous substantivos en aposición e figuran escritos sen guión, como Castro Caldelas ou Campo Lameiro.
No ano 1219, o rei Afonso VIII accede a unha “instantiam et petitionem habitanorum”, isto é, a unha…
Hai etimoloxías populares que se transmiten de persoa a persoa, de século a século, e chegan a converterse en verdades de fe para a…