Á Coruña inventáronlle moitas etimoloxías, pero poucas tan fermosas como a que contou Afonso X na súa Estoria de España. Segundo conta a lenda, Hércules chegou á Gallaecia para liberar as terras do xigante Xerión. Despois de 3 días de enfrontamentos, Hércules venceuno e como testemuño da súa vitoria construíu unha torre sobre os alicerces onde enterrou a cabeza do xigante. Nas súas proximidades, ordenou fundar unha cidade: “e o primeiro poboador que alí viu foi unha muller que tiña de nome Crunna, e por iso lle puso este nome á cidade”.
Máis recentemente, Gonzalo Navaza apuntou que o topónimo A Coruña pode ter unha orixe literaria. Descubre outras hipóteses a través deste vídeo.
Detrás de cada un dos máis de 40.000 topónimos que forman parte do noso Nomenclátor, existe unha motivación e unha razón de ser…
É ben difícil escoitar a palabra Camariñas sen deixarse levar e recitar os versos que compoñen unha das cantigas máis afamadas…