Sigue nesta publicación a charla Toponimízate de Ribeira

“Toponimízate. Falámosche dos nomes da túa terra” chega a Ribeira este luns 19 de outubro e, por vez primeira, será emitida en directo na rede a través da Canle de Youtube da Real Academia Galega e tamén desde esta páxina. A charla comeza ás 16:30 e a ela asistirá a rapazada dos dous centros de ensino do concello, o IES Leliadoura e o IES Nº 1. Ademais destes dous centros, tamén será proxectada no Centro Cultural Lustres Rivas e na Aula CEMIT de Ribeira para aquelas persoas interesadas do concello que non pertenzan á comunidade educativa.