Que podo encontrar?

Aquí atoparás información sobre a riqueza toponímica de Galicia, descubrirás o significado dos nomes de concellos, parroquias, cidades, vilas e aldeas, e poderás visualizar sobre unha fotografía aérea os milleiros de microtopónimos (nomes de terras, outeiros, regueiros, penedos, fontes, praias, cantís...) que humanizan e singularizan a nosa terra e o noso mar.

Esta información servirá, non só para coñecer mellor o territorio galego e a historia local de cada recuncho do noso país, senón para traballar con ela a nivel administrativo na xestión das distintas actuacións que se poden desenvolver sobre o medio natural.

Ademais de consultar e descargar a microtoponimia recollida polo Proxecto Toponimia de Galicia (PTG) desde o ano 2000 ao 2011, tamén se poderá facer o mesmo cos datos que a cidadanía vaia introducindo a través da nova app colaborativa Galicia nomeada. Deste xeito, o mapa toponímico de Galicia será unha obra colectiva de todos os galegos e galegas onde se verá reflectido o inmenso patrimonio cultural inmaterial que tanto risco corre de perderse e que representa un dos nosos principais sinais de identidade como pobo.

Se buscas só os nomes oficiais de provincias, concellos, parroquias e lugares de Galicia, poderás facelo a través do servizo de consulta do Nomenclátor de Galicia.

Saber máis

colabora connosco

Ninguén coñece máis Galicia que a poboación galega. Ninguén sabe máis ca ti do lugar no que vives.

Galicia é unha terra nomeada, produto da riqueza da súa orografía, da súa lingua e da súa historia. Neste momento contamos con máis de 478.000 topónimos rexistrados nun 35% do noso territorio, pero aínda nos quedan moitos tesouros por descubrir en forma de nome.

Se coñeces algún deles, localízao no noso mapa e axuda a salvagardar este rico patrimonio cultural inmaterial que posúe o pobo galego. Colabora connosco!

Ir a Galicia Nomeada

Últimas novas

Preto dun cento de persoas déronse cita na VI Xornada da Comisión Especializada de Nomes Xeográficos en Galicia

Este xoves 21 de setembro, a Cidade da Cultura de Santiago de Compostela acolleu un encontro a nivel estatal de voces expertas en cartografía e toponimia na VI Xornada da Comisión Especializada de…

22 de Setembro de 2023

Info +

Sigue en liña a Xornada da Comisión Especializada de Nomes Xeográficos

O próximo 21 de setembro, a Cidade da Cultura de Santiago de Compostela acolle a interesante Xornada da Comisión Especializada en Nomes Xeográficos cun amplo programa de relatorios. Se por…

12 de Setembro de 2023

Info +

Consulta aquí o programa completo da VI Xornada da Comisión Especializada de Nomes Xeográficos en Galicia

O xoves 21 de setembro, a Cidade da Cultura de Santiago de Compostela acollerá algúns dos maiores expertos sobre toponimia e cartografía de España na VI Xornada da Comisión Especializada de Nomes…

07 de Setembro de 2023

Info +

Sabías que

Sabías que, como di a cantiga, A aldea da Agrela é moi divertida, ten a estrada na entrada, e A Estación na saída.
Sabías que "O lugar de Cerdedelo ten cadro "saideiros": Trasceleiro, O Eiró, Carricovo e o Outeiro"?
Sabías que "O cura de Corme é xastre, o de Malpica é mariñeiro, o de Pazos, labrador, e o de Cesullas, gaiteiro"?
Sabías que en Muros e en Carballedo podes ir a Portugalete sen entrares en Euskadi?
Sabías que Vilalba, Cospeito, Burela, Pastoriza e Riotorto son, ademais de cinco concellos lucenses, outros tantos lugares da Fonsagrada?