Sabías que

Sabías que para estares en Zaragoza abonda con pasar por Santa Cruz do Valadouro?

Sabías que non precisas cruzar o Atlántico para te achegares ao Bos Aires de Burela, A Laracha ou Begonte?

Sabías que para viaxares a Exipto só tes que te achegar á parroquia de Abanqueiro no concello de Boiro ou a Cesullas en Cabana de Bergantiños?

Sabías que no concello do Corgo hai unha Segovia, pero sen acueduto? 

Sabías que hai unha Valencia do Sil en Vilamartín de Valdeorras?

Sabías que a capital catalá, Barcelona, “está” no Valadouro?

Sabías que Triana é o nome dun populoso barrio de Sevilla e dun lugar dos concellos de Barreiros, Cambados, Celanova, O Valadouro e Val do Dubra?

Sabías que o topónimo máis frecuente en Galicia como nome de entidade de poboación é A Igrexa ou algunha das súas variantes A Eirexe, A Eirexa, Airexe, Airexa, A Grixa, Grixoa...? 

Sabías que somos a rexión de Europa, se non do mundo, con maior densidade de topónimos por quilómetro cadrado?

Sabías que o 42,8% das unidades poblacionais de toda España está en Galicia?