Arteixo

A inauguración da exposición dos mapas toponímicos deste concello tivo lugar o día 2 de novembro de 2006 no Centro Cívico Cultural. Nela pódense ver máis de 5.400 nomes localizados en fotografías aéreas, que foron recollidos en enquisas orais realizadas a informantes da zona pola responsable do Departamento de Normalización Lingüística de Arteixo e por técnicos do Plan Labora coordinados por ela.

Nos meses posteriores, os mapas circularon polas distintas parroquias do concello, onde foron revisados e completados polos veciños.

No acto de presentación interviron, ademais dos técnicos do Proxecto, a directora xeral de Administración Local da Xunta de Galicia, Begoña Rodríguez Rumbo; a delegada provincial de Medio Rural, Olga García Agra; o alcalde de Arteixo, Manuel Pose; e, finalmente, a responsable de Normalización Lingüística e coordinadora dos traballos neste concello, María Rozamontes.

Lugar: Centro Cívico Cultural

Concello: Arteixo

Galería de imaxes
  • Arteixo 1
  • Arteixo 2
  • Arteixo 3
  • Arteixo 4
  • Arteixo 5
  • Arteixo 6
Tipos